АЛМАТЫ ҚАЛАСЫ ӨҢІРЛІК КОММУНИКАЦИЯЛАР ҚЫЗМЕТІ

Әуезов ауданында  әлеуметтік инфрақұрылым саласында үлкен-үлкен жобалар жүзеге асырылып жатыр. Бұл туралы Алматы қаласы Өңірлік коммуникациялар қызметінде өткен баспасөз мәслихатында аудан әкімі Абзал Егембердиев мәлімдеді.

Оқушыға орын жетпей, балабақша аздық етіп, емханалардың да жүктемесі артып,  ауданда осындай  біраз өзекті мәселелер пайда болған.  Бұларды шешу үшін әкімдік енді әлеуметтік салада жүйелі өзгеріс жасап, қолда барды жаңартып,  жаңа жобаларды іске асыру көздеп отыр.

Әуезов ауданындағы мектептерде орын жетіспеуі өзекті мәселе болып отыр:  қазір 5 мыңдай орын тапшы. Бұл мәселені шешу үшін өткен жылдың қыркүйегінде ауданда 600 орындық жаңа мектеп салынды, бұл ескірген №97 мектептің орнына тұрғызылған мектеп. Жоба 5,8 миллиард теңгені құрады.

Кейіннен, қараша айында №9 мектепті түпкілікті жөндеу жұмыстары аяқталды. Ғимарат сейсмикалық тұрғыда қауіпсіз болып, қазіргі уақытта 1200 оқушы қабылдай алады. Жоба құны 1,9 миллиард теңге болды.
Келесі кезеңде №13 пен №158 мектептің жаңа ғимараты мен №42 мектепке 300 орындық қосымша ғимарат салынатын болады. Жобалау-сметалық құжаттама әзірленіп жатыр,  мемлекеттік сараптама қорытындысын алғаннан кейін 2025 жылдың қыркүйегінде жұмысқа кіріспек.

«Балабақшалардағы орын тапшылығын азайту — біздің негізгі міндетіміздің бірі», — деп атап өтті аудан әкімі. Оның айтуынша, қазіргі уақытта Әуезов ауданында 6 мыңнан астам орын жетіспейді.

Биылғы тамыз айының соңына дейін 10-шағын ауданда 160 орындық және Алтын бесік шағын ауданында 120 орындық екі балабақша салынып бітпек.

Сонымен қатар, қыркүйек айында Таугуль шағын ауданында 120 орындық тағы бір балабақша құрылысы басталады. Бұл апаттық жағдайда болған бұрынғы ғимараттың орнына салынады. Құрылыс жұмысы 2026 жылдың шілде айына дейін аяқталады деп жоспарланған.

Аудандағы ең ірі мәдени жобаның бірі — Наталья Сац атындағы Мемлекеттік академиялық орыс балалар мен жасөспірімдер театрының қайта жөнделуі болды. Жұмыс 2025 жылдың наурыз айында басталып, келесі жылғы маусым айында аяқтау жоспарланған. Жоба құны 23,9 миллиард теңге.

Медициналық жүйе де жаңартуды қажет етеді. Қазір бәрі үлкен жүктемемен жұмыс істеп жатыр, кейбір ғимараттар заман талабына сай емес.
Биылғы ақпан айында Жетысу-3 шағын ауданында «Парасат» әлеуметтік қызмет көрсету орталығы ашылды. 1760 шаршы метр аумақты қамтитын бұл орталық ерекше қажеттілігі бар балаларды оңалтуға арналған. Жоба құны 345 миллион теңгені құрады.

Сәуір айында Таугуль-3 шағын ауданындағы №18 қалалық емхананы  жөндеу жұмысы аяқталды. Бұл мекеме 32 мың тұрғынды қызмет көрсетеді, бірақ   жүктемесі екі есе артық: жобалық қуаты — 350 адам болса, күніне 550-ге дейін адам қабылдайды. Емхана үш ғимаратта орналасқан, олардың әрқайсысы артығымен жұмыс істейді. Бір ғимараттың жөндеу жұмысы 446 миллион теңгеге бағаланды.
Жүктемені азайту үшін 2023 жылы Куаныш шағын ауданынан жер учаскесі сатып алынды, онда 300 адамға арналған жаңа емхана салу жоспарланған. 

Сондай-ақ, №2 Балалар қалалық клиникалық ауруханасына жаңа ғимарат салуға дайындық жұмыстары жүргізіле бастады. Ескі ғимарат сүріліп, оның орнына 67 төсек-орынға арналған жаңа ғимарат салынады. Құрылыс жұмыстары 2025 жылдың қараша айында басталып, 2027 жылдың ақпан айында аяқталмақ.

«Тұрғындарды әлеуметтік қорғау — біздің қызметіміздің басты бағыты», дейді әкім. Ауданда 15 түрлі әлеуметтік қызмет көрсетіледі. Әкімнің мәліметі бойынша, аудан тұрғындары арасында 49 мың зейнеткер, 4,5 мың көпбалалы отбасы, 9,5 мың мүгедек адам бар, оның ішінде 1,5 мың бала бар. Кешенді қолдау аясында төрт ірі әлеуметтік жоба жүзеге асырылып жатыр:

• «Бақытты отбасы» отбасы қолдау орталығы,
• «Шыңға өрлеу» клубтары,
• Ерекше қажеттіліктері бар адамдарға көмек көрсететін «Тең қоғам» орталығы,
• Белсенді ұзақ өмір сүру орталықтары, олар жыл сайын 60 мыңға жуық зейнеткерге қызмет көрсетеді.

Әкімнің айтуынша, ауданда 40 мыңнан астам студент бар. Мұнда 4 жоғары оқу орны және 1 филиал (АТУ), 18 колледж (8 мемлекеттік және 10 жекеменшік), 10 жатақхана, жалпы сыйымдылығы 2000 орын бар. Жастардың бастамасын қолдау үшін Мамыр-1 шағын ауданында (ЖК Megapolis) комьюнити-орталық жұмыс істейді. Бұл орталық 2021 жылы ашылған. Мұнда жастар әлеуметтік-құқықтық көмек алып, қоғамдық және мәдени іс-шараларға қатыса алады.

Балалар мен жасөспірімдерге арналған «Damu Bala» үйірмелері мен секцияларына арналған бағдарламалар іске қосылды. Бүгінгі таңда бұл бағдарламадағы 2470 спорттық секциялар мен 3134 шығармашылық үйірмелерге 5384 бала қатысып жатыр: Бағдарлама 15 спорт түрі мен 18 шығармашылық бағытты қамтыған. 2025 жылы бағдарламаға қаржыландыру сомасы 2,8 миллиард теңге болады. Жақын арада қатысатындардың саны 1500 балаға артпақ.

«Біздің мақсатымыз —жасына және әлеуметтік жағдайына қарамастан, әрбір тұрғынның қамқорлық пен қолдауды сезініп, оларың жағдайын жасау»,- деп атап өтті  Әуезов ауданының әкімі Абзал Егембердиев.