АЛМАТЫ ҚАЛАСЫ ӨҢІРЛІК КОММУНИКАЦИЯЛАР ҚЫЗМЕТІ

Мемлекет басшысының бастамасымен елімізде «Келешек мектептері» ұлттық жобасы жүзеге асырылып жатыр. Осы жобаның аясында алдағы уақытта 460 мың оқушыға арналған 217 мектеп салу жоспарланып отыр.

Аты айтып тұрғандай, жаңа мектептің бәрі жаңа технологиямен қамтамасыз етілген. Яғни, бұл мектепте оқыған оқушылар заман ағымына ілесе дамып, жаңа технологияларды үйреніп, дағдыланып шығады. «Бұл балаларды болашаққа бейімдеу үшін де қажет»,- деп қоштап отыр оны мұғалімдер жағы да. Алматы пән кабинеттерін жабдықтау жағынан көш бастап тұр. Қазір Алматыдағы 221 мектеп осындай 1 095 кабинетпен жабдықталыпты.

Жоба бойынша салынған мектептер бұрынғы мектептерден едәуір ерекшеленеді. Әр мектепте робототехника кабинеттері, STEM-зертханалар, хореография залдары, коворкинг аймақтары мен төрт спорт залға дейін ашылған. Мұны оқушыларға барынша жағдай жасау үшін жасап отыр.