АЛМАТЫ ҚАЛАСЫ ӨҢІРЛІК КОММУНИКАЦИЯЛАР ҚЫЗМЕТІ

Мегаполистің көрікті аумағының бірінде «Tau Media Camp»-тың «Алматының кешенді дамуы» дейтін жазғы лагері өтті. Бұл – журналистерді, баспасөз хатшылары мен қоғам қайраткерлерін біріктірген бірегей білім беру іс-шарасы болды. Қатысқандар біліктілігін арттырып, жаңа медиақұралдарды меңгеріп, кәсіби байланысты нығайту мақсатында бас қосты.

Іс-шараны Алматы қаласы Өңірлік коммуникациялар қызметі ұйымдастырды. Лагерь бағдарламасы мегаполистің тыныс-тіршілігін тұрақты түрде жариялап жүрген мамандарға бағытталды. Бірнеше күн ішінде 50 адам тақырыптық тренингтен өтіп, шеберлік сабақтарына, пікірталастарға және креативті ойлау мен медиасауаттылықты дамытуға арналған командалық ойындарға қатысты.

Цифрлық дәуірдегі тиімді байланысқа, ақпараттық ағынмен жұмыс істеуге, журналистикадағы этикаға және аудиториямен диалог орнатуға көп көңіл бөлінді.

Білім беру бөлімінен бөлек, лагерь нетворкинг үшін тамаша мүмкіндікке айналды. Келгендердің көбі бейресми  пайдалы байланыстар орнатып, бірлескен жобаларға жаңа серіктестер табуға мүмкіндік алғанын атап өтті.

Tau Media Camp тәжірибе алмасу мен идеялар генерациясы үшін құнды алаң ретінде өзінің маңыздылығын тағы дәлелдеді. Айта кетейік, бұл іс-шара жыл сайын мамандарды, медиа саласының қызметкерлерін біріктіріп, нетворкинг алаңын құру мақсатында өткізіледі.