АЛМАТЫ ҚАЛАСЫ ӨҢІРЛІК КОММУНИКАЦИЯЛАР ҚЫЗМЕТІ

Нұркент шағынауданында балалардың заманға сай ойын алаңын абаттандыру жұмысы аяқталды. Жоба «Халық қатысатын бюджет» бағдарламасы аясында Алатау ауданы әкімінің аппараты мен «EL-KZ 2020» ЖШС мердігерлік ұйымының бірлескен күшімен жүзеге асқан.

Тұрғындарға қауіпсіз де жайлы демалыс пен спорт алаңын салу негізгі мақсаты.

Алаңда ойын кешендері, спорттық тренажерлер, воркаут-аймақ, әткеншектер мен орындықтар орнатылды. Балалардың қауіпсіздігі үшін жұмсақ тартан жабыны төселіп, жаңа шамдар қойылды. Сондай-ақ демалуға арналған бөлек аймақ жабдықталды.

Қазір нысан толық дайын. Жергілікті тұрғындар жаңа алаңның отбасылық демалыс орнына айналғанын атап өтіп жатыр.

«Ойын алаңы өте әдемі, қолайлы. Балалар ойнап, жүгіріп, әткеншек теуіп, мәре-сәре болып жүр. Алдағы уақытта осындай жаңа демалыс орындары ауданда көбейе берсін», – деді «Нұркент» шағынауданының тұрғыны.