Алматыда журналистер арасында волейболдан жарыс өтті

28 Тамыз, 2025

Алматыда волейболдан Өңірлік коммуникациялар қызметінің ұйымдастырған спартакиада болып өтті. Спорттық іс-шараға қала әкімдігінің түрлі құрылымдық бөлімдерінің коммуникация мамандары, журналистер мен қоғамдық ұйым өкілдері келіп қатысты.

Турнирдің мақсаты – түрлі ведомстволар мен медиа өкілдері арасындағы кәсіби байланысты нығайту, сондай-ақ бұқаралық спортты насихаттау. Жарыс жақсы өтіп, бейресми қарым-қатынас орнатуға, тәжірибе алмасып, жаңа байланыс орнатуға сеп болды.

Тартыспен өткен ойынның соңына қарай орын алғандар:

1-орын – Алматы қаласы әкімдігінің баспасөз қызметі командасы

2-орын – Алматы қаласы Мониторинг және талдау орталығы командасы

3-орын – «Алматы Ақшамы» газетінің командасы

Жеңімпаздарға ақшалай сыйлық беріліп, естелік тартулар табыс етілді. Ұйымдастырушылар барлық қатысушыларға белсенділік танытқаны үшін алғыс білдіріп, мұндай іс-шаралардың салауатты өмір салтын қалыптастыруда және корпоративтік өзара іс-қимыл мәдениетін дамытуда маңызды рөл атқаратынын атап өтті.

Алматы қаласы Өңірлік коммуникациялар қызметі кәсіби қауымдастықты нығайту және спортты қалалық өмірдің ажырамас бөлігі ретінде ілгерілету мақсатында жыл сайын әртүрлі спорт түрлері бойынша турнирлер өткізеді.

Бөлісу: