АЛМАТЫ ҚАЛАСЫ ӨҢІРЛІК КОММУНИКАЦИЯЛАР ҚЫЗМЕТІ

Жазбен бірге жадырайтын, шуақ шашатын маусым — Халықаралық балаларды қорғау күні де жақындап қалды. 1 маусымнан бастап қалада балалардың көңілін көтеріп, көкжиегін кеңейтетін түрлі іс-шара ұйымдастырылмақ.

🎭 Қуыршақ театры: Сахнадағы сиқыр

Мемлекеттік қуыршақ театры кішкентай көрермендерді ертегілер әлеміне жетелейді.

• 24 мамыр (сенбі): «Күлкілі қонжықтар» — 12:00 және 16:00

• 25 мамыр (жексенбі): «Мамонттың мамасы» — 12:00, «Каштанка» — 16:00

Көрермендерді жайлы орта, сүйікті кейіпкерлер мен таныс хикаялар күтеді.

🐾 Алматы зоопаркі: Хайуанаттар әлеміндегі жаз маусымы

Зоопарк — отбасымен серуендеп, бой жазып қайтуға таптырмас орын. Билет құны —  бар болғаны 300 теңге, ал әсерін — ұмытпайсыз ешқашан!

Ерекше жоба — Жазғы зоомектеп:

• Өтініштер 26 мамырға дейін қабылданады

• Қатысушылар шығармашылық байқауларға қатысып, жануарлармен танысып, экология туралы тың ақпарат алады.

📖 Ахмет Байтұрсыновқа қонаққа барамыз

29 мамыр күні сағат 11:00-де Ахмет Байтұрсынұлы музей-үйінде «Ахмет атаның үйіне барғанда…» атты интерактивті экскурсия өтеді.

Балалар ойын арқылы ұлы ағартушы, ақын әрі реформатордың өмірі мен мұрасымен танысады. Алаш ардақтысы туралы қызықты деректер естіп қайтады.

🌿 Бас ботаника бағы: Өсімдіктер арасындағы ертегі

• 25 мамыр — «Қазақстанның жасыл байлығы» атты интерактивті бағдарламада балалар түрлі өсімдіктермен танысып, қызықты сөзжұмбақ шешеді.

• 1 маусым — Жапон бағы мен Солтүстік бөлікте «Ботаникадағы ертегіге бергісіз экскурсия» өтеді. Жаяу экскурсиядан кейін балалар «Нимфея» шеберлік сағатында қағаздан гүл жасайды.

🎪 PRO Цирк: Күмбездің астындағы сиқыр

17 мамыр мен 1 маусым аралығында Алматыда «PRO Цирк» шоуы өтеді.

Көрермендерді күтеді:

• Әуе акробаттары

• Иллюзионистер

• Қолға үйретілген жануарлар

• Клоундар

1 маусымда — Балаларды қорғау күніне орай қайырымдылық кеш өтеді. Оған көпбалалы және аз қамтылған отбасылар, ардагерлер мен зейнеткерлер шақырылып, Ресейден арнайы келген клоун да өнер көрсетеді.

🎨 Барлық ауданда мереке

1 маусымда қалада түрлі ойындар, билер, шоулар мен байқаулар ұйымдастырылады. Балалар жол бетіне сурет салып, мерекелік көңіл-күйге бөленеді.

Мерекенің ең басты бөлігі — Орталық демалыс паркінде өтеді:

• Қазақстандық әншілердің концерті

• Балалар шығармашылық ұжымдарының қойылымдары

• Аниматорлар, шоу-бағдарламалар мен байқаулар