АЛМАТЫ ҚАЛАСЫ ӨҢІРЛІК КОММУНИКАЦИЯЛАР ҚЫЗМЕТІ

Алматы қаласының Өңірлік коммуникациялар қызметінде қала дамуына елеулі үлес қосқан әйелдерге арналған баспасөз конференциясы өтті. Іс-шара қонақтарының бірі-қоғам қайраткері, қатынас жолдарының инженері, Еңбек Қызыл Ту және «Құрмет» ордендерінің иегері Клара Летникова болды.

Клара Летникова өзінің кәсіби мансабын 1958 жылы ақпанда Свердловск автомобиль-жол техникумын бітіріп, сол кездегі Алматыға жұмысқа шақыру алды. Ол 23 жылын қаланы көркейтуге арнап,  құрылыс басқармасының бастығы лауазымына жетті.

Алматы сол жылдары қарқынды дамып, қаланың жаңа келбеті қалыптасты. Ол басшылық еткен кезеңде жолдар, ескерткіштер, субұрқақтар, сондай-ақ Алматыдағы алғашқы жерасты өткелдері салынды.

Ең маңызды жобаларының бірі 1975 жылы Жеңістің 30 жылдығына орай орнатылған және Қазақстандағы Ұлы Отан соғысының басты ескерткіштерінің біріне айналған 28 панфиловшылар саябағында Мәңгілік алаумен Даңқ мемориалында жұмыс істегенін мақтан тұтады.

«Мен осы жеңіс символын соғуға қатысқанымды мақтан тұтамын. Бұл ескерткіш біз үшін жай ғана құрылыс нысаны емес, нағыз тарихи миссия болды. Біз оны 1975 жылдың сәуірінде, 50 жыл бұрын тұрғыздық. Көптеген ардагерлер мен олардың отбасылары үшін бұл ескерткіш Жеңіс пен қайсарлықтың символына айналды. Бүгінде, 9 мамыр күні, адамдар осы жерге келіп, Мәңгілік алауға тағзым етеді. Бұл – ұрпақтар сабақтастығы мен естеліктің мәңгілігін көрсетеді. Бүгінде біз 80 жылдық Жеңіс тойына жақындап қалдық», – дейді Клара Летникова.

Құрылыс саласындағы табысты мансабынан кейін Клара Летникова өз қызметін өнеркәсіп, әлеуметтік қорғау, көлік, құрылыс және кәсіподақ жүйесін басқару салаларын жалғастырды.

Зейнетке шыққаннан кейін де ол қоғамдық жұмыстарға белсенді араласып, өз тәжірибесі мен білімін халық игілігі үшін пайдалануда.