АЛМАТЫ ҚАЛАСЫ ӨҢІРЛІК КОММУНИКАЦИЯЛАР ҚЫЗМЕТІ

Өңірлік коммуникациялар қызметінің алаңында халықаралық бақылаушылардың қатысуымен брифинг өтті. Бүгінде комиссия өкілдері әр салада жұмыс істеуде.  Мәселен, Алматыдағы Ресей Федерациясының Бас консулдығының консул-кеңесшісі Артем Оганов жеке сараптама жүргізгеннен кейін таңертеңнен бастап алты референдум учаскесін аралап үлгерген.

«Таңертеңнен бастап біз сайлауға белсенді қатысуды көріп отырмыз. Біз адамдардың сағат таңғы 7-ден 7.30-ға дейін 30-40 адам дауыс бергенін көрдік. Байқаушылардың пікірінше, референдумға қатысу 2021 жылғы сайлауға келуден асып түседі. Дауыс беру Алматыда ашық, транспарентті. Мемлекеттік тілді білмейтін адамдар үшін бәрі орыс тілінде қайталанғанын ерекше атап өткім келеді. Жалпыхалықтық дауыс беру нәтижелеріне әсер етуі мүмкін қандай да бір бұзушылықтарды біз белгілемедік», -  деп атап өтті А. Оганов.

Дегенмен, кейбір сайлау учаскелерінде сайлау комиссиясының мүшелерінің жолын кесіп, бюллетеньсіз дауыс беру әрекеттері әлі де болған. Азаматтарға тұрақты тұратын жерінен тыс жерде қалай дауыс беру керектігі түсіндірілді.

Ленинград облысының сайлау комиссиясының төрағасы Михаил Лебединский Алматыдағы сайлау учаскелерінде жұмысын жалғастыратындарын айтты. Бүгінде ол 12 пунктті аралап үлгерді және референдум аяқталғанша жұмыс істейді.

«Референдумның аяқталуына санаулы сағаттар қалды. Дауыс беру нәтижесі жақын арада дайын хаттамаларда болады.  Біз болған учаскелерде адамдар келіп дауыс беріп жатқанын көріп тұрмын.  Сырттай бюллетеньдерге келетін болсақ, егер адам алдын ала қамқорлық жасамаған болса, онда ол дауыс бере алмайтынын ескертемін. Бұл процедура азаматтардың конституциялық құқығын бір рет қана жүзеге асыруын қамтамасыз ету үшін жасалған. Басты фактор – барлық сайлау учаскелерінде дауыс беру бірқалыпты өтіп жатыр, яғни референдум өтті деген сөз. Қазақстан аумағында сайлаушылардың 60 пайыздан астамы дауыс берді», - деп қосты М.Лебединский.

Спикер Ресей Федерациясының аумағында бес референдум өткізу орны орналасқанын, жалпы олар әлемнің 52 елінде ашық екенін айтты.

Сонымен қатар, халықаралық сайлаушылар заң бұзушылық фактілері бойынша Алматы қалалық сайлау комиссияларының барлық әрекеттерін заңды деп санайды.