АЛМАТЫ ҚАЛАСЫ ӨҢІРЛІК КОММУНИКАЦИЯЛАР ҚЫЗМЕТІ

ӨКҚ брифингіне қатысқан Наурызбай ауданының әкімі Назира Тоғызбаева жол инфрақұрылымының дамуы туралы айтты.

Наурызбай ауданында жалпы ұзындығы 298 км 348 көше бар, асфальтталған жолдардың үлесі – 87% құрайды.

«Ақжар шағын ауданында жалпы ұзындығы 45,3 км 89 көшеде жол салу жоспарланған. Бүгінгі таңда жол құрылысымен 15 км қамтылған. Қалған көшелер немесе 30 км инженерлік желілер құрылысы аяқталғаннан кейін асфальтталатын болады», - деді аудан басшысы.

Сонымен қатар, Шұғыла шағын ауданы бойынша ұзындығы 6,8 км 13 көшеде жол салу жоспарланған. Биыл ұзындығы 5 км 9 көше құрылыспен қамтылды, қалған 4 көше 2024 жылы аяқталады деп жоспарлануда.

Сонымен қатар, Шұғыла, Рахат, Таусамалы, Қалқаман шағын аудандарында, жалпы ұзындығы 15 км 16 көшеде жолдарға орташа жөндеу жүргізілді. Осыған ұқсас жұмыстарды жүргізу үшін 2024 жылы Қалалық мобильділік  басқармасына ұзындығы 40 км 38 көшені орташа жөндеуге өтінім жолданды.

Осы жылдың басынан бері шұңқырларды жөндеу жұмыстары жүргізілді, нәтижесінде 170 көшеде 45 мың м2 жол жөнделді. Техникалық тротуармен көлемі 8 мың м2 асатын 11 көше қамтамасыз етілген.