АЛМАТЫ ҚАЛАСЫ ӨҢІРЛІК КОММУНИКАЦИЯЛАР ҚЫЗМЕТІ

Конституцияға енгізілген түзетулер бойынша референдумда алматылықтардың дауыс беруі жөніндегі ағымдағы ақпарат, тіркелген бұзушылықтар мен шағымдар туралы Өңірлік коммуникациялар қызметінің брифингінде Алматы қаласы аумақтық референдум комиссиясының төрайымы Жанна Асанова айтып берді.

Спикердің айтуынша, сағат 10-дағы жағдай бойынша Алматыдағы дауыс беруге келушілер 13.9%-ды немесе 156 707 азаматты құрады. Дауыс беруге қатыса алатын алматылықтардың жалпы саны 1 126 854 адамды құрайды. Алғаш рет 18 жасқа толған 26 968 алматылық дауыс береді.

Шетелдік бақылаушылардан Алматыға 15 адам келді: жетеуі ТМД елдерінің миссиясынан, алтауы - дипломатиялық корпустың өкілдері және екеуі - Алматыда транзитпен жүрген ЕҚЫҰ өкілдері. 
Жанна Асанова дауыс берушілердің шағымдарына жауап берді. Атап айтқанда, бір сайлаушы учаскелердің бірінде өзін таба алмады. Ол бір апта бұрын тіркеуді алды. Алматы қаласы аумақтық референдум комиссиясының төрайымы бұл шағым бойынша теріске шығару бар екенін атап өтті. Бірақ спикер қала тұрғындарына тізімдер тұрақты тіркеу негізінде қалыптасатынын еске салды. Адам 18 жаста болуы, әрекетке қабілеттілігі болуы тиіс және сот үкімімен бас бостандығынан айыру орындарында болмауы керек.

«Бізде 20 мамырда тізімдер қағаз түрінде басып шығарылып, учаскелерге берілді. 20-на дейін тіркелгендер бұл тізімде бар, бірақ кейінірек тіркелген немесе осы күннен кейін 18 жасқа толған адам тізімде жоқ. Ол үшін учаскелерде арнайы функционалдылық ұйымдастырылған, бұл азаматқа электрондық базада өзін тексеруге мүмкіндік береді. Осының арқасында 20 мамырда тізімге енбеген азаматтарды қосу жүргізілуде. Бұл қайтыс болғандарға де қатысты», - деді Ж.Асанова.

Көптеген адамдар есептен шығару куәліктері бойынша дауыс береді, ал кейбіреулері топпен және бірдей киіммен келеді деген сұраққа келсек, спикер былай деп жауап берді: «Біз өмірлік жағдайларға байланысты осы немесе барда  жерде боламыз, бір жерде тұрып басқа жерге тіркелгенбіз, мысалы, бір аймақта тіркеліп, басқа жерде тұрып жатырмыз. Алматы – белсенді қала, мұнда бизнес белсенді. Шын мәнінде, мен айтып өткенімдей, есептен шығару куәліктері бойынша көптеген сұрақтар болды. Адамдар бірдей киіммен топқа келгендіктен, бұл жерде таңқаларлық ештеңе жоқ. Сайлау учаскелерінде киім коды жоқ. Сіз кез-келген киіммен келе аласыз.  Бұл референдумның бір учаскесінде бірге келіп, дауыс берген бір ұйымның мүшелері екендігі түсінікті». 

Сондай-ақ, қала тұрғындарының бірі референдум учаскелерінің бірінің кабинасында екі адам болған деп шағымданды. Жанна Асанова біздің заңда өз бетінше дауыс бере алмайтын адамдарға учаскедегі адамның көмегін пайдалануға мүмкіндік беру туралы бап бар екенін атап өтті. Бұл тұлға комиссия мүшесі, журналист және бақылаушы бола алмайды. Бірақ сайлаушы басқа сайлаушыдан көмек сұрауға немесе сырттан біреуді шақыруға құқылы.

«Бұл жағдайда екі адам келіп тұр, олардың біреуінің көзі көрмейді. Екеуі де осы учаскеге тіркелген. Ер адам әйелінің көмегін пайдаланды. Кейін өзі дауыс берді. Бұл заңды бұзу емес», - деп атап өтті Ж.Асанова.

Сондай-ақ, спикер референдум учаскесінде болған тағы бір оқиғаны келтірді. 
«Біз бақылаушылармен тығыз байланыстамыз. Қандай да бір түсініксіз жағдайлар тумады. Бірақ, мысалы, шетелдік БАҚ өкілдері аккредитациясыз учаскелердің біріне келді, картасыз, бұл ресейлік ұйым. Және олар учаскеге жіберілмеді. Өздеріңіз білесіздер, шетелдік БАҚ бізде ОСК-ға немесе СІМ-ге алдын ала аккредиттеледі», - деп атап өтті Алматы қаласы аумақтық референдум комиссиясының төрағасы.