Live
Алматыда жұмыссыздық деңгейі төмендеді
29 Қыркүйек, 2023

Алматы қаласы Жұмыспен қамту және әлеуметтік бағдарламалар басқармасының мәліметінше, көрсеткіштер жұмыссыздық деңгейінің төмендегенін көрсетеді - өткен жылы бұл көрсеткіш 5% -ды құрады. ӨКҚ брифингіне қатысқан басқарма басшысы Бауыржан Жаубасов халықты жұмыспен қамту мәселесі маңызды мәселелердің бірі болып қала беретінін атап өтті.
Мәселен, еңбек мобильділігі орталығында жұмыс іздеп жүрген адамдарды жұмысқа орналастыруға көмек көрсетіледі.
«ҚР Әлеуметтік кодексіне сәйкес еңбек мобильділігі орталығына жүгінген адамдарға жұмысқа орналасуға жәрдем көрсетіледі, оның ішінде Жұмыспен қамтудың белсенді шараларына – әлеуметтік жұмыс орындарына, қоғамдық жұмыстарға, жастар практикасына, «Бірінші жұмыс орны», «Ұрпақтар келісімшарты», «Күміс жас» жобаларына жолдама, қысқа мерзімді жұмысқа жолдама кәсіптік оқыту, сондай-ақ 2021-2025 жылдарға арналған кәсіпкерлікті дамытудың ұлттық жобасы шеңберінде жаңа бизнес - идеяларды іске асыруға 400 АЕК мөлшерінде өтеусіз мемлекеттік гранттар беріледі», - деді ол.
Меншіктің барлық нысандарындағы кәсіпорындар мен ұйымдарда жұмысқа орналастырудың мынадай түрлері ұйымдастырылады:
- қоғамдық жұмыс - арнайы дайындықты қажет етпейді, еңбекақы мөлшері 30 АЕК (103,5 мың теңге) құрайды.
- әлеуметтік жұмыс орындарын мемлекет жұмыс берушінің белгіленген жалақысының 35% мөлшерінде субсидиялайды (бірақ 20 АЕК – тен аспайды-69 мың теңге.). Әлеуметтік жұмыс орындарында жұмыс істейтін мүгедектігі бар адамдарға жалақының 80% немесе 91 890 теңге мөлшерінде субсидиялау белгіленді.
- жастар тәжірибесі 40 АЕК (138 мың теңге) еңбекақы төлей отырып, 35 жастан аспаған ЖОО және колледж түлектеріне арналған.
- «Бірінші жұмыс орны» жобалары (еңбекақысы 30 АЕК – 103,5 мың теңге.), «Ұрпақтар келісімшарты» (еңбекақысы 30 АЕК – 103,5 мың теңге.) жоғары оқу орындары мен колледждердің түлектері үшін қажетті еңбек дағдыларын игеру және бірінші жұмыс орнында бейімделу көзделген. «Ұрпақтар келісімшарты» жобасы бойынша жұмысқа орналасқан адамға зейнетке шығуына кемінде 6 ай қалған зейнет жасындағы тәлімгер бекітіледі, бұл ретте жоба бойынша қатысу кезеңі еңбек өтілі ретінде есептеледі.
«Күміс жас» жобасы зейнеткерлік жасқа дейінгі адамдарға арналған - 50 жастан асқан жұмыссыздар жұмыс орындарына жіберіледі, онда осы санат үшін мемлекет алғашқы 12 айда – жалақының 70%; бұдан әрі 13 айдан 24 айға дейін – 65% - 6; 25 айдан 36 айға дейін-жалақының 60% төленеді, бірақ 30 АЕК-тен аспайды.
Жыл басынан бері уақытша жұмыс орындарына 13 мың адам, тұрақты жұмысқа – 9 мың адам орналастырылды.
Бос жұмыс орындарының тізімімен «Электрондық еңбек биржасы» порталында танысуға болады (www.enbek.kz), ол жерде жұмыспен қамту саласында мемлекеттік қызметтерді онлайн-рәсімдеуге де болады.
Спикер азаматтардың кәсіпкерлік бастамасын қолдау шараларын көрсету мәселелеріне де жеке тоқталды.
«Кәсіпкерлікті дамытудың 2021-2025 жылдарға арналған ұлттық жобасы шеңберінде халықтың әлеуметтік осал топтары үшін жаңа бизнес-идеяларды іске асыруға 400 АЕК (1,380 млн.теңге) мөлшерінде өтеусіз мемлекеттік гранттар беріледі. Мемлекет басшысының «Әділ мемлекет. Біртұтас ұлт. Берекелі қоғам» атта жолдауында айытлғандай, жастарды жеңілдетілген несиелермен қамтамасыз ету үшін Агрокредиттік корпорациямен бірлесіп жастарды жылдық 2,5% - бен шағын несиелендіру жобасы іске асырылуда», - деп бөлісті Б.Жаубасов.
Микрокредит беру 21 жастан 35 жасқа дейінгі жас кәсіпкерлерді қолдауға бағытталған, оларды өтінім беру сәтінде дара кәсіпкер ретінде тіркеу мерзімі 5 жылдан аспайды. Бағдарламаға жұмыс істейтін жастардың өкілдері де қатыса алады. Несиелеу шарттары:
- қарыз сомасы: 5 млн. теңгеге дейін;
- сыйақы мөлшерлемесі: жылдық 2,5% ;
- қарыз мерзімі: мал шаруашылығын дамыту үшін-7 жылға дейін, бизнестің басқа бағыттары үшін-5 жылға дейін.
Микрокредит беру 21 жастан 35 жасқа дейінгі жас кәсіпкерлерді қолдауға бағытталған, оларды өтінім беру сәтінде дара кәсіпкер ретінде тіркеу мерзімі 5 жылдан аспайды. Бағдарламаға жұмыс істейтін жастардың өкілдері де қатыса алады. Несиелеу шарттары:
- қарыз сомасы: 5 млн. теңгеге дейін;
- сыйақы мөлшерлемесі: жылдық 2,5% ;
- қарыз мерзімі: мал шаруашылығын дамыту үшін-7 жылға дейін, бизнестің басқа бағыттары үшін-5 жылға дейін.
Микрокредит мерзімінің ұзақтығының үштен біріне дейінгі негізгі борыш пен сыйақыны өтеу бойынша жеңілдікті кезең көзделген. Кепілмен қамтамасыз етудің болуы міндетті шарт болып табылады. Кепіл ретінде жылжымалы (мамандандырылған техника) және жылжымайтын мүлік қабылданады. Кепілмен қамтамасыз ету болмаған жағдайда кепіл берушіні (ата-аналарын, туыстарын және т.б.) тартуға болады.
Өтінім беру үшін Сәтбаев көшесі, 5 мекенжайы бойынша «Аграрлық несие корпорациясы» АҚ филиалына құжаттарды тапсыру қажет (agrocredit.kz). Қазіргі уақытта 52 адамның өтінімі рәсімделді.