АЛМАТЫ ҚАЛАСЫ ӨҢІРЛІК КОММУНИКАЦИЯЛАР ҚЫЗМЕТІ

Алматыда жаңа Конституция жобасы бойынша өтіп жатқан республикалық референдумда таңнан бастап дауыс бергендердің қатарында Медеу аудандық ардагерлер кеңесінің спорт комиссиясының төрайымы Шәрбану Мұқышева да бар.

Ол өз таңдауын №372 сайлау учаскесінде жасады.

Шәрбану Мұқышеваның айтуынша, референдумға қатысу — әр азаматтың ел болашағына деген жауапкершілігін білдіретін маңызды қадам.

«Әрбір қазақстандық өзінің дауысы маңызды екенін түсінуі керек. Референдумға қатысу — елінің дамып, өркендеуін қалайтын әр азаматтың азаматтық борышы деп санаймын», — деді ол.

Медеу ауданының тұрғындары сайлау учаскелеріне келіп, дауыс беруге қатысуды жалғастырып жатыр. Комиссия мүшелерінің айтуынша, дауыс беру үдерісі тыныш әрі ұйымдасқан түрде өтіп жатыр.