АЛМАТЫ ҚАЛАСЫ ӨҢІРЛІК КОММУНИКАЦИЯЛАР ҚЫЗМЕТІ

Аружан Саин — қоғам қайраткері және «Мейірімділік» ерікті қоғамы» (ДОМ) қайырымдылық қорының директоры — жаңа жобалар мен бүкіл Қазақстан үшін маңызды болып үлгерген бастамалар туралы айтып береді. Жұмыс істеген жылдар ішінде қор қиын жағдайға тап болған балалар мен отбасыларға көмектесудің ондаған бағдарламасын іске асырып, халықтың жоғары сеніміне ие болды.

Подкастта ең танымал әрі сұранысқа ие жобалардың бірі — тегін онлайн-репетиторлық жобасына ерекше назар аударылды.

Бұл бастама аймағына және отбасының табыс деңгейіне қарамастан, мыңдаған қазақстандық оқушыға сапалы білім мен оқуда қолдау алуға мүмкіндік берді. Отандық бизнес өкілдерінің қайырымдылық көмегінің арқасында жоба жергілікті деңгейден асып, тек ел ішінде ғана емес, сонымен қатар шетелде де танылды.

«Мейірімділік» (ДОМ) қорының ашықтығы, есептілігі және жүйелі жұмыс тәсілі, сондай-ақ тұрақты және жаңа меценаттардың тынымсыз қолдауы бүгінде Қазақстанда саналы қайырымдылық мәдениетін қалыптастырып келеді. Осының бәрі қоғамды ізгілендіруге, әлеуметтік жауапкершілікті дамытуға және азаматтардың тұлғалық кемелденуіне қосылған маңызды үлес болып табылады.