АЛМАТЫ ҚАЛАСЫ ӨҢІРЛІК КОММУНИКАЦИЯЛАР ҚЫЗМЕТІ

Бүгін өңірлік коммуникациялар қызметінде «Мисс Қазақстан 2023» байқауының жеңімпазы Сабина Ыдырысова қатысқан пресс-конференция болып өтті. Сабина ертең Үндістанға жол тартып, сонда өтетін «Miss World 2025» байқауының ақтық сайысына Қазақстанның атынан қатысады.

Осыған дейін Қазақстанда өткен сұлулық байқауында жеңіп шыққан Сабина алдағы сапарға қалай даярланып жатқанын, жалпы байқау туралы не ойлайтынын айтып берді. Айтуынша, «Miss World 2025» көрмесіне барып қатысу — атақ үшін ғана керек нәрсе емес, ол сонымен бірге Қазақстаның мәдениетін, сұлулығын, интеллектуалды қабілеті мен тарихын да көрсетуге мүмкіндік алған.

«Мен өзіме үлкен жауапкершілік артылғанын сезініп, керемет күйде отырмын қазір. Оған жай ғана барып қатысып қайтпай, екі ортада дәнекер, алтын көпір болмақпын. Қазақстанды қалай жақсы көрсем, әлем де Қазақстанды дәл солай танып біліп, жақсы көрсе екен деймін», — деді Сабина.

Бірнеше ай бойы дайындық жасаған кезде Сабина Ыдырысова Кеин Кериш, Ақ Бұлақ және Алтын Емел пейзаждарында визиттік ролик түсірген. «Япурай» дейтін авторлық нөмірін қойып, дефиледен, сахналық сөйлеуден, макияж бен ағылшын тілінен жаттығу жасапты. Дизайнер Дилара Коржовамен бірге этно-модерн стилінде костюмдер әзірлеп, «Beauty with a Purpose» қайырымдылық аукционына арнап зергерлік бұйымдарды әзірлеген.

11-31 мамыр аралығында Телангана штатында өтетін байқаудың финалына 120 елдің өкілі қатыспақ. «Miss Kazakhstan»-ның өкілдері жерлесіміздің Қазақстанның атын шығарып, үздік болып шығарына сенім артты.